Бугун Европа Чемпионлар лигаси мусобақасининг ярим финал учрашувларига старт берилади.

Турин ва Барселона шаҳарларидаги сешанба ва чоршанба оқшомидаги ўйинлар бутун дунё футбол ишқибозларининг диққат эътиборини ўзига тортиши турган гап. 

Италияда "Ювентус" жамоаси Мадриднинг "Реал" клубини қабул қилади. Ўйинга таъриф беришнинг ҳожати йўқ. Сабаби, икки жамоа бу босқичга ҳақли равишда етиб келди. 

Гарчи, ушбу жуфтликда кейинга босқичга чиқиш имконияти "Қироллик клуб" тарафида дея эътироф этилсада, "Юве"ни осонликча таслим бўлмаслиги ҳақида айтишимиз мумкин. Ўзи, умуман ярим финалда кучсиз рақиб бўлмайди.

Тошкент вақти билан бугун соат 23.45да бошланадиган ўйинда кўп нарса ҳал бўлади. Зеро, туринликлар финалга чиқиш учун бор кучларини ташлашлари маълум бўлган. 

"Барселона" - "Бавария" ўйини бўлса, бу энди алоҳида мавзу. Унга кейинроқ тўхталиб ўтамиз. 

Ярим финалдаги барча жамоаларга омад тилаб қоламиз!